أقولك إيه ولا إيه؟
صدقني.. الكلام تاه مني وضاع
ومتبقاش منه غير طعمه الغريب جوايا
متبقاش غير كام سؤال محتاره إزاي أقولهم
أو إزاي أسألهم
متبقاش غير خوفي وقلقي من حاجات
عمري مافكرت أو صدقت وجودها
أقولك إيه.. وانت فاهمني اكتر مني
أقولك ايه.. في وقت تاهت فيه حروفي
وبقيت غريبة وسط مشاعري
في وقت.. كل إللي بتمناه
اني أحط راسي على كتفك وأغمض .. وأخبي وشي
وأنساني
انسى كل كلامي
وانسى أسألتي وتوهاني
ليست هناك تعليقات:
إرسال تعليق